Siglir tar il cuntegn

Header

Navigaziun

Legenda: Tadlar il audio Saira: Nevin Galmarini sa legra sin CM a Park City. Durada 02:06 minutas.
Or da Actualitad dals 04.02.2019.
cuntegn

Naziunal/Internaziunal Galmarini vul gudagnar il proxim grond titel

Sin Nevin Galmarini spetga oz e damaun il punct culminant da la stagiun. Als campiunadis mundials da snowboard a Park City en ils Stadis Unids vul l’Engiadinais cumplettar ses palmarès cun in ulteriur grond titel.

La gronda schanza da far il pass sin il podest ha Nevin Galmarini en sia emprima cursa, il slalom gigant parallel, sia disciplina da parada. En questa disciplina è il sportist da 32 onns daventà avant bun in onn a Pyeongchang campiun olimpic – fin oz ses pli grond success da la carriera. Quatter onns avant, il 2014 a Sotschi, aveva el gudagnà argient en il slalom gigant parallel. Plinavant ha el er gia gudagnà ina medaglia a campiunadis mundials en questa disciplina, numnadamain quella da bronz il 2017 a Sierra Nevada.

In ulteriur chapitel

Dapi il grond triumf en la Corea dal Sid è sa midà bler en la vita da Galmarini. Per l'ina ha la medaglia dad aur olimpica midà ses status, per l’autra è il snowboardist engiadinais vegnì la stad passada bab da schumellins. A Park City vul Nevin Galmarini uss scriver in ulteriur chapitel en il snowboard alpin.

RR Actualitad 17:00