Siglir tar il cuntegn

Naziunal/Internaziunal Gasparin manchenta per pauc ils top 10

Il start da massa sin 12,5km da las dunnas finescha senza medaglia per la Svizra.

Purtret da Selina Gasparin durant la cursa da biatlon.
Legenda: Per la Grischunaisa hai gist betg tanschì per ils top ten. Keystone

La biatleta grischuna, Selina Gasparin è vegnida 11avla tar la concurrenza da la cuppa mundiala ad Oslo en Norvegia. Gudagnà la cursa sur 12,5km cun partenza da massa ha la norvegiaisa Tiril Eckhoff avant la tscheca Gabriela Koukalova e la finna Kaisa Mäkälainen.

L'occurenza ad Oslo è stada la davosa da la stagiun da biatlon.

RR novitads 12:00