La squadra naziunala da hockey sin glatsch frunta als gieus olimpics d'enviern 2022 en China sin la Russia e la Tschechia. Il terz adversari da la Svizra n'è anc betg enconuschent. I sa tracta en scadin cas dad in qualificant. Quai resulta da la nova glista da rangaziun mundiala che la Federaziun internaziunala da hockey ha publitgà. Là sa chatta la Svizra sco enfin uss sin plaz 8. A la testa dal ranking è il Canada, suandà da la Russia ed il campiun mundial, la Finlanda.
Era da la partida a Peking il 2022 èn las hockeyanas svizras, damai ch'ellas han tegnì sco tschintgavlas lur plaz en las top 6.