Cun in'autorisaziun da las federaziuns internaziunalas da lur disciplina pon ils sportists e las sportistas russas da l'atletica leva tuttina quintar da pudair sa participar als gieus olimpics a Rio de Janeiro.
Quai ha communitgà il president dal Comité olimpic internaziunal IOC, Thomas Bach. Il medem valia per sportists da la Kenia. Ils atlets ston dentant mussar si ch'els n'an betg dopà.
Avant aveva il Comité olimpic russ gia annunzià da far recurs tar il Tribunal internaziunal dal sport cunter la bloccada dals sportists russ da l'atletica leva.
