Siglir tar il cuntegn

Header

cuntegn

Gieus olimpics da giuvenils Buna prestaziun svizra tar l'emprim di

L'emprim di als gieus olimpics da giuvenils en Svizra ha gia purtà las emprimas medaglias svizras.

Purtret da las duas curridras svizras.
Legenda: Caroline Ulrich e sia cumpatriota Thibe Deseyn durant la cursa. Keystone

Victoria dubla tar umens e dunnas

Tar la cursa da turas cun skis da las dunnas han Caroline Ulrich e Thibe Deseyn procurà per ina victoria dubla svizra. Ulrich, che ha 17 onns, è stada il di avant la purtadra da la bandiera per la delegaziun svizra durant la festa d'avertura. Ella ha pudì distanziar sia cumpatriota Deseyn (16 onns) per passa ina minuta. La Franzosa Margot Ravinel, ch'è ida per bronz ha pers prest duas minutas sin la victura.

Er tar ils umens èn aur ed argient ids a la Svizra. Il giuven da 17 onns, Thomas Bussard è sa mess tras cun 1:26 minutas avantatg sin ses schumellin Robin. SRF ha purtretà ils dus schumellins:

video
Ils frars Bussard: schumellins e fanatichers da turas da skis
Or da Sport-Clip dals 07.01.2020.
laschar ir

Aur e bronz en il super-G

Per in'ulteriura medaglia d'aur ha procurà Amélie Klopfenstein. La giuvna da 17 onns dal Giura Bernais ha gudagnà il super-G cun pitschens avantatgs cunter sias concurrentas da la Frantscha (+0,08) e l'Israel (+0.09). Sia istorgia è gia prest ina paraula: Ella fiss stada previsa be sco skiunza da reserva. Entras la blessura d'ina atleta è Klopfenstein lura vegnida a la partenza e quai malgrà ch'ella era il di avant anc malsauna.

Purtret da Klopfenstein che ria sur l'entira fatscha.
Legenda: Amélie Klopfenstein è la victura dal super-G. SRF

Tar ils umens è Luc Roduit ì per la Svizra per ina medaglia da bronz. Il giuven da 17 onns ha pers 0,2 secundas sin il meglier temp dal Svedais Adam Hofstedt.

RTR novitads 16:00

Artitgels legids il pli savens

Scrollar a sanestra Scrollar a dretga