Siglir tar il cuntegn

Header

in atlet cun impediment stat avant la chasa federala.
Legenda: L'atlet da Special Olimpics Koni Schmid a la surdada da la candidatura svizra mad
cuntegn

Gieus Olimpics Svizra candidescha per ils Special Winter Games 2029

La Svizra candidescha per ils Special Olympics World Winter Games il 2029. La pli gronda ocurrenza da sport per persunas cun impediments. En il center dalla candidatura stat il Grischun. Uschia hai num en il dossier da candidatura ch'è vegnì surdà oz a la ministra da sport Viola Amherd.
Tut las nov disciplinas duain avair lieu en il Grischun. A Cuira las disciplinas en halla unihockey, floorhockey, short track e patinadi artistic. Ad Arosa ski e snowboard ed a Lai passlung, cursa cun gianellas e sport da sautar. Durant set dis è Cuira il center dals gieus.

Festa da finiziun a Cuira

La festa d'avertura fiss planisada a Turitg, la festa da finiziun a Cuira. Per l'occurenza da 12 dis e cun 2'500 sportistas e sportists vegn fatg quint cun custs da 38 milliuns francs. 75% da quels stuess il maun public surpigliar, tranter auter er il chantun Grischun ed ils lieus d'occurrenza. La candidatura duei vegnir inoltrada il schaner, la surdada succeda lura il fanadur.

Cuntrari a gieus olimpics e paralimpics èn ils World Games nagina concurrenza da sport da prestaziun. Tuttas partizipantas e tuts partizipants duain avair success. En nagina disciplina datti be mo ina victura u mo in victur.

Per tadlar curt e cumpact:

RTR novitads 17:00

Artitgels legids il pli savens

Scrollar a sanestra Scrollar a dretga