Tar ils golis dal Club da hockey Tavau datti midadas. Gilles Senn ha suttascrit in contract per duas stagiuns cun ils New Jersy Devils, in team da l'NHL. El sto dentant quintar da giugar sco emprim en l'American Hockey League, la segunda liga americana. Pir sch'el mussa là bunas prestaziuns vegn el a pudair dar en la NHL. Gilles Senn è stà in draft da la NHL l'onn 2017.
Joren van Pottelberghe ha percunter prolungà il contract cun l'equipa da Tavau per dus onns. Ensemen cun Sandro Aeschlimann vegn il giugadur da 21 onns a furmar ils proxims dus onns il duo dals golis.
Il contract cun il goli svedais Anders Lindbäck n'ha il HCD betg prolungà.
RR novitads 12:00