Gronda surpraisa
La finala èn Giulia Steingruber, Ilaria Käslin, Caterina Barloggio, Stefanie Siegenthaler e Thea Brogli stadas ina sper l'autra ed han guardà sin il grond cub da video al palantschieu en la Allmend a Berna. Las Svizras han terminà la qualificaziun cun 166,128 puncts davos la Gronda Britannia e la Russia surprendentamain sin plazza trais. Quai ch'ils umens han cuntanschì avant in'emna è ussa er pussaivel per las dunnas: Ina medaglia.
Steingruber en trais finals singuls
Giulia Steingruber è plinavant sa qualifitgada en trais categorias per il final la dumengia: al sigl, giun plaun ed al rec dubel. Sco gronda favurita sin la medaglia d'aura vala ella en sia disciplina da parada: il sigl. Era giun plaun ha ella bunas schanzas sin ina medaglia. Per l'emprima giada en il final stat la Tessinaisa Ilaria Käslin e quai a la trav d'equiliber.
RR novitads 21:00