Siglir tar il cuntegn

Naziunal/Internaziunal Gino Caviezel sto far pausa pliras emnas

Gino Caviezel è sa blessà durant in trenament da slalom gigant a Zinal. Tenor Swiss Ski ha il skiunz grischun ina stremblida dal tscharvè e rut l’oss-clavigl sanester.

Il skiunz grischun Gino Caviezel
Legenda: Gino Caviezel la primavaira a Tavau. Keystone

Caviezel è gia vegni operà en l’Ospital chantunal a Cuira. Las proximas sis emnas na dastga el betg trenar. Uschia croda Caviezel or almain fin la fin da l’onn. Sch’el po far part als gieus olimpics il favrer, n’è anc betg cler.

Actualmain èn plirs skiunzs svizzers blessads. Tranter auter era Carlo Janka cun ina blessura vi dal schanugl, Simone Wild ch’ha rut ina stgaina ed Aline Danioth cun ina blessura dal meniscus.

RR novitads 06:00