Siglir tar il cuntegn

Header

cuntegn

Naziunal/Internaziunal Gisler e Briguet en China sin il podest

Ils freeskiers da la Svizra briglieschan en China: En la halfpipe cuntanschan Joel Gisler e Robin Briguet las plazzas 2 e 3.

Ils freeskiers svizzers pon festivar duas plazzas da podest tar las cursas da la cuppa mundiala en China. Joel Gisler e Robin Briguet èn vegnids segund e terz en la halfpipe. Per il giuven da 23 onns Joel Gisler dal Toggenburg sco era per il giuven da 18 onns Robin Briguet dal Vallais era quai la prima giada ina plazza da podest tar ina cursa da la cuppa mundiala. Gisler era suenter il prim da trais runs schizunt a la testa.

Gudagnà la cursa ha il Franzos Thomas Krief. Freeskier dals Stadis Unids da l'America, tranter els Alex Ferreira e Simon D'Artois n'eran a Secret Garten betg al start.

RR 09:00

Artitgels legids il pli savens