Siglir tar il cuntegn

Header

Purtret da Giulia Steingruber.
Legenda: L'operaziun vi dal pe è indispensabla. Las proximas emnas sto ella reducir il trenament. Keystone
cuntegn

Naziunal/Internaziunal Giulia Steingruber è blessada

La gimnasta svizra Giulia Steingruber sto sa laschar operar il schaner. Tar ina controlla han ils medis diagnostitgà ina ruttadira parziala d'in liom extern dal pe e stgaglias d'ossa en il giarlet.

Aifer las proximas emnas sto la victura da la medaglia da bronz als gieus olimpics reducir ses trenament e far fisioterapia. Perquai sto ella desister dal campiunadi svizzer da l'autra fin d'emna.

A partir da l'october po Steigruber puspè trenar normal. Il schaner vegnan las stgaglias lura allontanadas operativamain.

Probablamein è ella sa ferida al final dals gieus olimpics. La gimnasta sto ussa adattar il program per la concurrenza. Al campiunadi svizzer a Genevra na vegn Steingruber betg a prender part. Planisà è vinavant ch'ella prenda part al Swiss Cup l'entschatta november a Turitg.

RR novitads 15:00

sda/cl