Siglir tar il cuntegn
Inhalt

Naziunal/Internaziunal Glen Hanlon chala per immediat a trenar la squadra naziunala

Glen Hanlon n'è per immediat betg pli il trenader da la squadra naziunala svizra da hockey sin glatsch. Sco quai che la federaziun da hockey sin glatsch communitgescha, hajan ins schlià il contract per immediat en consentiment vicendaivel.

foto da hanlon
Legenda: Il scheftrenader da la squadra naziunala svizra da hockey sin glatsch, Glen Hanlon, chala per immediat. Keystone

Il contract che valess anc fin la fin da la stagiun 2015/2016 è pia schlià. Sco raschuns inditgescha Hanlon motivs familiars, però era differentas ideas davart la collavuraziun da la federaziun Swiss Ice Hockey ed il trenader da la squadra naziunala.

Il matg 2014 aveva Hanlon surpiglià il post da trenader sco successur da Sean Simpson ed ha manà la squadra naziunala al campiunadi mundial a Prag; quai cun success fin en ils quart-finals. Avant era el trenader da las squadras naziunalas da la Bjelorussia e da la Slovakia.

Ad interim surpiglia Felix Hollenstein

L'anteriur giugader da la liga e da la squadra naziunala Felix Hollenstein è stà trenader assistent dals Kloten Flyers (2005-2012). Fin il 2014 è el lura stà scheftrenader dals Flyers.

RR novitads 17:00