L' Americana sto desister dal la partida perquai ch'ella è malsauna. En il final frunta Golubic u sin la slovaca Dominika Cibulkova u sin la spagnola Carla Suarez Navarro.
En il quartfinal aveva la giugadra svizra profità che l'adversaria Garbine Muguruza ha dà si la partida da tar il stan da 5:7, 6:3 e 4:4.La Spagnola manava en il set decisiv cun 4:2 cura ch'ella ha storsch il pe ed è sa blessada. Cun il final a Linz cuntanscha Golubic per la segunda giada en questa sesiun in final da la WTA.
Tras las victorias a Linz en l'Austria tutga Viktorija Golubic a partir da glindesdi per l'emprima giada tar las 60 meglieras giugadras da tennis dal mund.
Out per Djokovic a Schanghai
Il numer in tar ils umens, il serb Novak Djiokovic, è crudà ora en il quartfinal dal turnier a Schanghai. Cunter il spagnol Roberto Bautistia Agut ha Djokovic pers cun 4:6 e 4:6.
RR novitads 06:00 +