Siglir tar il cuntegn
cuntegn

Naziunal/Internaziunal Golubic gia out en la China

La giugadra da tennis svizra Viktorija Golubic è crudada or en l'emprima runda dal turnier a Guangzhou en la China.

la giugadra da tennis svizra Viktorija Golubic
Legenda: Trumpada per Golubic, ella crod'ora gia en l'emprima runda a Guangzhou. Keystone

La Turitgaisa da 25 onns ha pers en dus sets cun 4:6 e 3:6 cunter la Serba Aleksandra Krunic, il numer quatter dal turnier.

Nagin duel svizzer a Seoul

Jil Teichmann manchenta al turnier da WTA a Seoul in exploit cunter il numer 29 dal mund Hsieh Su-Wei. La Bernaisa da 21 onns ha pers en l'emprima runda cunter la Taiwanaisa cun 6:2, 1:6 e 6:7 malgrà ch'ella aveva duas ballas da match. Teichmann manava en il segund set cun 5:2. I fiss stà la pli gronda victoria fin uss per Teichmann. Uschia na datti en la segunda runda era betg il duel cun Stefanie Vögele che ha gudagnà ses gieu d'emprima runda.

RR novitads 08:00