Siglir tar il cuntegn

Header

Viktorija Golubic durant la partida da final a Linz.
Legenda: Viktorija Golubic durant la partida da final a Linz. Keystone
cuntegn

Naziunal/Internaziunal Golubic ha pers il final a Linz

La giugadra da tennis turitgaisa ha pers il final cunter la Slovaca Dominika Cibulkova en dus sets cun 3:6 e 5:7.

La Slovaca era per gronda part megliera che la Svizra. Sulettamain vers la fin dal segund set ha Dominika Cibulkova dà in zic pli flaivel. Golubic ha pers en questa fasa quatter ballas da break per in pari.

Malgrà che Victorija Golubic ha uschia manchentà il pli grond regal per ses 24avel anniversari, survegn ella tuttina passa 17'000 euros per il turnier en l'Austria. Plinavant è Golubic tras ils 180 puncts ch'ella ha rimnà a Linz da nov sin plazza 54 da la glista mundiala.

Victoria per Andy Murray

Andy Murray ha gudagnà il turnier dad ATP 1000 a Schanghai. En in final ha il Scot battì il Spagnol Roberto Bautista Agut en dus sets cun 7:6 e 6:1.
Uschia ha Andy Murray gudagnà quest turnier da Masters gia per la terza giada. Tut en tut ha el gudagnà 39 turniers sin la tura.

RR novitads 16:00

Artitgels legids il pli savens

Scrollar a sanestra Scrollar a dretga