GP da l’Italia a Monza – Rosberg gudogna, Hamilton dorma

Sia 56avla pole-position n’ha betg gidà a Lewis Hamilton. Il campiun mundial manchenta la partenza e terminescha l’emprima runda mo sco sisavel. Nico Rosberg profitescha dal sbagl da ses collega da la squadra da Mercedes e gudogna la cursa.

L'auto da cursa. Bild in Lightbox öffnen.

Legenda da maletgs: Il vendschader dal GP da l'Italia a Monza - Nico Rosberg sin Mercedes. Keystone

Nico Rosberg gudogna en ses 199avel Grand Prix la 21avla cursa. Hamilton menchenta sco segund ses 50avel triumf per mo 15,1 secundas.

Igl è la quarta victoria dubla dals dus pilots da Mercedes en questa stagiun. Il campiun mundial Hamilton maina suenter 14 da 21 cursas da la stagiun dentant anc adina – quai cun 250:248 puncts.

Sebastian Vettel e Kimi Räikönnen fan en la cursa avant la porta chasas da Ferrari las plazzas trais e quatter. Auter che Mercedes han els fatg la cursa cun ina strategia da dus stops.

Senza schanza eran ils pilots da Sauber-Ferrari. Il brasilian Felipe Nassa è collidà gia en la segunda runda cun Jolyon Palmer ed ha dat si suenter 20 rundas per dal bun. Il svedais Marcus Ericsson è sa classifitgà sin plazza 16.

RR novitads 16:00