Siglir tar il cuntegn

Naziunal/Internaziunal Gregory Sciaroni vegn a bandunar il HCD

Sin la proxima stagiun mida l'attatgader dal club da hockey da Tavau Gregory Sciaroni tar il SC Berna. Il club bernais ha confermà il transfer.

Il giugader dal HCD Gregory Sciaroni
Legenda: Che Gregory Sciaroni mida tar il SCB, ha era il trenader dal HCD Arno del Curto confermà. Keystone

Sciaroni dat dapi il 2009 per Tavau, lantschà sia carriera aveva il Tessinais da 28 onns tar Ambri. En la liga naziunala A ha Sciaroni dà fin uss 480 gieus. Sia bilantscha munta a 87 gols, ed era 87 assists.

Gregory Sciaroni è in ulteriur giugader da tschep dal HCD che banduna il club grischun. Ils davos dis era gia vegnì enconuschent che Samuel Walser mida tar Friburg, e da Noah Schneeberger vegni ditg il medem.

RR novitads 18:00