Siglir tar il cuntegn

Header

Auto da Hamilton.
Legenda: Hamilton è uschia curt avant il 7avel titel da campiun mundial. Keystone
cuntegn

Grond Premi d'Emilia Romagna 93avla victoria per Lewis Hamilton

Lewis Hamilton ha gudagnà ad Imola il Grond Premi da l'Emilia-Romagna avant ses collega da team Valtteri Bottas. Terz è vegnì Daniel Ricciardo en Renault. Per Hamilton è quai la 93avla victoria en la furmla 1 e la 9avla da questa stagiun.

En il classament dal campiunadi mundial ha Hamilton uss in avantatg da 85 puncts sin Bottas. Gia en duas emnas po el uschia ad Istanbul vegnir anticipadamain per la 7avla giada campiun mundial ed uschia egualisar cun il recordist Michael Schumacher.

Mercedes va gia uss cun titel da constructur

Mercedes ha uschia gudagnà gia anticipadamain il titel da constructur en il campiunadi mundial. Quel resultat è gia cler, malgrà che quatter cursas stattan anc sin il program. Cun la 5avla victoria dubla da questa stagiun ha Mercedes segirà oz il 7avel titel en seria.

Alfa Romeo è stà questa dumengia per l'emprima giada cun omadus autos en ils top ten. Kimi Raikkönnen ha terminà la cursa sco 9avel ed Antonio Giovinazzi sco 10avel.

Verstappen zieht an Bottas vorbei
Or da Sport-Clip dals 01.11.2020.

RTR novitads 15:00

Artitgels legids il pli savens

Scrollar a sanestra Scrollar a dretga