Siglir tar il cuntegn

Header

cuntegn

Grond premi da la Germania Max Verstappen victur d'ina cursa caotica

Sia segunda victoria da questa stagiun po il pilot da Red Bull Max Verstappen festivar. El gudogna avant Sebastian Vettel sin Ferrari e Daniil Kvyar sin Toro Rosso. Per Mercedes è la cursa sin il Hockenheim stada in desaster.

Per Max Verstappen è la victoria a Hockenheim la setavla tar in Grond Premi. Era plaschair po il segund Sebastian Vettel avair, il Tudestg ha fatg in grond sigl dal plaz da partenza 20. Ed era il terz plaz da Daniil Kvyat è ina surpraisa.

Mercedes senza puncts – Alfa fa duas giadas puncts

Verstappen aveva surpiglià la testa en la 30avla runda, cura che Lewis Hamilton ha donnegià la part davant da ses Mercedes cun far ina piruetta. La finala è il Grond Premi da chasa daventà in debachel per la squadra tudestga. Hamilton daventa 9avel, e Valtteri Bottas è crudà ora.

Ils pilots dad Alfa Romeo Kimi Räikkönen ed Antonio Giovinazzi han survegnì in chasti da 30 secundas perquai che lur accumplaments na correspundevan betg a las reglas. Uschia èn els crudads or dals puncts.

RR novitads 18:00

Artitgels legids il pli savens