Siglir tar il cuntegn

Header

Navigaziun

cuntegn

Gstaad Final da surpraisa al Swiss Open

Cedrik-Marcel Stebe cuntanscha l'emprima giada en sia carriera in final d'ATP. Il Tudestg, ch'è stà passa in onn blessà, ha giugà furius a Gstaad. Oz ha el sco emprim stuì dar a fin sia partida da quart final, ch'era ier vegnida interrutta pervia da la plievgia. Stebe ha en quella partida gudagnà en 3 sets il Talian Thomas Fabbiano.

Era suentermezdi ha el era duvrà 3 sets per laschar cuntinuar sia paraula da Gstaad. En il mez-final ha la numer 455 dal mund battì Joao Sousa dal Portugal cun 3:6, 6:1, 6:2.

En il final dal Swiss Open spetga damaun cun il Spagnol Albert Ramos-Vinolas, la numra 85 dal mund da tennis.

Cedrik-Marcel Stebe encunter Albert Ramos-Vinolas
Legenda: Il final dal Swiss Open: Cedrik-Marcel Stebe encunter Albert Ramos-Vinolas Keystone

RR novitads 20:00