En il segund ed ultim trenament per la cursa rapida da sonda a Val d'Isère è il Canadais Erik Guay stà il pli spert. Il campiun mundial dal 2011 ha gì in avantatg da 3 tschientavels sin il Talian Peter Fill. Il Sidtirolais era gia vegnì segund en il trenament da la mesemna.
Jau chat pretensius il traject, pli difficil che quest a Lake Louise.
Meglier Svizzer è sco gia en il prim trenament Patrick Küng sin plazza 8. Sin Guay ha el gì in retard da 1,17 secundas. Beat Feuz è sa classà sco 15avel, Fernando Schmed sco 27avel e Carlo Janka sco 30avel.
RR novitads 15:00