Siglir tar il cuntegn
cuntegn

Naziunal/Internaziunal Guggisberg mida tar Ambri-Piotta

Il giugader da hockey sin glatsch Peter Guggisberg ha chattà in nov club. L’attatgader ch’è vegnì quatter giadas campiun svizzer cun il Club da hockey da Tavau (2005, 2007, 2009 e 2011) ha suttascrit tar il club da la Leventina, il HC Ambri-Piotta, in contract da dus onns.

Peter Guggisberg en il dress dals Kloten Flyers.
Legenda: Peter Guggisberg mida da Turitg en il Tessin. Keystone

Il davos ha Peter Guggisberg dà a Turitg per ils Kloten Flyers. Ord motivs da budget è il giugader da 31 onns dentant betg pli vegnì giavischà a Kloten.

En ses meglier temp valeva Peter Guggisberg sco in dals megliers e pli sperts attatgaders da la Svizra. El è dentant adina puspè vegnì franà da blessuras. Trais giadas ha el rut il liom cruschà, l’emprima gia il 2010, paucs dis avant che sgular als gieus olimpics a Vancouver.

Durant las davosas duas stagiuns ha Peter Guggisberg realisà per ils Kloten Flyers 49 puncts da scorer (23 gols) en 90 gieus da la liga naziunala A.

RR novitads 17:00