Siglir tar il cuntegn

Header

Navigaziun

cuntegn

Naziunal/Internaziunal Gut-Behrami uss sin plaz 3 – Joana Hählen resta segunda

A Crans-Montana ha Joana Hählen cun argient cuntanschì per l’emprima giada en sia carriera il podest. Suenter ina controlla da temp è Lara Gut-Berahmi avanzada sin plaz 3.

Joana Hählen
Legenda: Joana Hählen suenter sia cursa a Crans-Montana. Keystone

Gronda irritaziun a Crans-Montana: Durant la cursa rapida batta il sistem da mesiraziun dal temp tar quatter Svizras. Tar las cursas da Jasmine Flury, Joana Hählen, Lara Gut-Behrami e Priska Nufer na vuleva la barriera fotoelectrica betg mesirar il temp en l'arrivada.

Tar in emprim classament valeva Sofia Goggia (Italia) sco victura avant Hählen e Nicole Schmidhofer (Austria). Ma radund in'ura suenter la cursa è il classament vegnì adattà.

Nova controlla

Decisiv per ils resultats da las quatter Svizras era nov il temp mesirà a maun. Sin custs da Schmidhofer è Gut-Berahmi avanzada sin il terz plaz. La federaziun austriaca da skis ha communitgà da protestar cunter quest resultat.

Il nov podest

  • 1. Sofia Goggia (IT) 1:29,77 minutas
  • 2. Joana Hählen (CH) +0,49
  • 3. Lara Gut-Behrami (CH) +0,45

En las top 10 èn era vegnidas Corinne Suter sco 5avla e Jasmine Flury sco 7avla. Priska Nufer è vegnida 12avla.

RR novitads 12:00