Siglir tar il cuntegn
cuntegn

Naziunal/Internaziunal Hamilton gudogna cun fortuna

Max Verstappen era narrs suenter ch'el è stà airi en la 44avla runda. Il pilot da Red Bull Renault era leader ed ha vulì surpassar Esteban Ocon, l'Ollandais ha dentant manà memia baud la roda ed ha stumplà sasez ed Ocon giu da la pista. Almain ha Verstappen anc cuntanschì il podest.

il pilot da furmla 1 sprizza enturn champagner
Legenda: Lewis Hamilton gudogna il GP Brazil grazia ad in sbagl da Verstappen. Keystone

Grond profitader da l'incap era il campiun mundial Lewis Hamilton, che ha pers l'emprima posiziun be paucas rundas avant. Il pilot da Mercedes ha uschia festivà sia 10avla victoria en questa stagiun. Il medem mument ha Mercedes er gudagnà il classament dals constructurs.

Il podest

1. Lewis Hamilton (Mercedes) 1:27:08,160

2. Max Verstappen (Red Bull) +01,469

3. Kimi Räikkönen (Ferrari) + 04,764

Leclerc gudogna puncts per Sauber

Gia per la 13avla giada en quest onn vegn almain in dals pilots da Sauber tranter ils megliers diesch. Charles Leclerc ha terminà la cursa a São Paulo sin plazza set. Marcus Ericsson ch'è partì en la cursa da posiziun sis ha stuì dar si la cursa en runda 21.

RR novitads 20:00