Gia tar la partenza a Hamilton surpassà ses collega da Mercedes Nico Rosberg. Silsuenter ha l'Englais controllà la cursa, ed ha uschia gudagnà sco emprim pilot per la 5aval giada il Grond Premi da l'Ungaria sin il Hungaroring.
Rosberg daventa la finala segund e Daniel Ricciardo sin Red Bull terz. Sco en tut las cursas da questa stagiun èn ils dus pilots da Sauber restads senza puncts: Felipe Nasr sin plazza 17, e Marcus Ericsson sin plazza 21.
Cun sia victoria ha il campiun mundial Lewis Hamilton surpiglià per l'emprima giada en questa stagiun la testa dal campiunadi mundial. Hamilton è uss sis puncts avant ses collega d'equipa Nico Rosberg.
RR novitads 16:00