Per la terza giada suenter il 2014 e 2017 gudogna Hamilton il grond premi da la Spagna. Il pilot da Mercedes ch'è partì da la pole-position è sa mess tras cunter ses collega da team Valtteri Bottas da la Finlanda. Terz è vegnì l'Ollandais Max Verstappen sin Red Bull.
Cun sia 64avla victoria en in grond premi – la segunda en questa stagiun – ha Hamilton pudì distanziar Sebastian Vettel en il classament general per 13 sin 17 puncts. Vettel sin Ferrari è daventà quart en il nord da Barcelona.
Duas emnas suenter ses 6avel plaz a Baku è il Monegass Charles Leclerc dal team Sauber daventà 10avel ed ha uschia er anc ramassà puncts per la classificaziun generala. Il segund pilot da Sauber, il Svedais Marcus Ericsson ha cuntanschì plaz 13.
RR novitads 17:00