Il tschintgdubel campiun mundial e defensur dal titel ha triumfà al Grond Premi da Shanghai avant ses collega da team Valtteri Bottas ch'era parti da la pole position. La decisiun en il duel tranter ils dus automobilists da Mercedes è crudada gia tar il start, lura ha Hamilton dumagnà da surpassar Bottas. Grazia a la victoria surpiglia Hamilton suenter trais cursas la testa en il classament general e chatscha uschia ses collega da team Valterri Bottas giu dal tron.
Terz è vegnì Sebastian Vettel en il Ferrari. Ils dus pilots d'Alfa Romeo, Kimi Räikkönnen ed Antonio Giovinazzi èn vegnids 9avel e15avel.
RR novitads 10:00