Hamilton gudogna per la 60avla giada

A Singapur ha il Brit Lewis Hamilton gudagnà per la 60avla giada in Grond premi da furmla 1. Hamilton ha profità d'in crash al cumenzament da la cursa da notg.

Lewis Hamilton, il victur dal GP da Singapur. Bild in Lightbox öffnen.

Legenda da maletgs: Lewis Hamilton, il victur dal GP da Singapur. Keystone

Il pilot da Mercedes, il Brit Lewis Hamilton ha gudagnà il Grond premi da Singapur avant l'Australian Daniel Riccardo sin Red Bull ed il Finnlandais Valteri Bottas, medemamain sin Mercedes. Hamilton ha profità d'in start caotic en la cursa da notg. Gia avant l'emprima storta avevi dà in crash tranter ils dus pilots da Ferrari Sebastian Vettel e Kimi Raikönnen sco era Max Verstappen sin Red Bull. Ils dus pilots da Sauber èn restads senza puncts.
En il classament general maina Lewis Hamilton cun 28 puncts avant Sebastian Vettel. Sin plaz trais è Valtteri Bottas cun 23 punct pli pauc che Vettel.

RR Novitads 17:00