Il team dad Arno Del Curto ha mussà sonda saira ch'els n'han betg pers la morala, er suenter ch'els han pers venderdi la 7avla giada en roda e suenter che lur attatgader Shayne Prince ha midà equipa. Suenter 13 minutas è Tavau stà en dischavantatg 0:2. Ch'ils Grischunais han gudagnà engrazian els a trais scenas impurtantas.
En la 15avla minuta ha Michael Hügli gì la schanza da far il 3:0. El n'ha dentant betg tutgà il gol avert. Cun la cunterattatga ha Chris Egli ralisà il gol. Questa scena ha purtà enavos Tavau en il gieu. La segunda scena ha purtà la decisiun precedenta. Suenter 47 minutas han ils fans gia festivà il 3:3 da Bienna che Marc-Antoine Pouliot aveva sajettà. Ils arbiters n'han dentant betg laschà valair il gol. In giugader memia bler saja stà sin il glatsch. Il chasti da duas minutas pervi da memia blers giugaders sin il glatsch, èn ils da Tavau vegnids da nizzegiar e Luca Hischier ha fatg il 4:2.
Ils ulteriurs resultats:
- Ambri-Piotta – ZSC Lions 2:5
- Friburg – SCL Tigers 10:3
- Zug – Lakers 7:2
Tabella Liga naziunala
| Gieus | Gols | Puncts | ||
| 1. | Berna | 50 | 143:99 | 101 |
| 2. | Zug | 50 | 159:115 | 97 |
| 3. | Losanna | 50 | 141:126 | 82 |
| 4. | Bienna | 50 | 149:138 | 79 |
| 5. | Ambri-Piotta | 50 | 138:140 | 79 |
| 6. | SCL Tigers | 50 | 132:126 | 78 |
| 7. | Lugano | 50 | 160:141 | 78 |
| 8. | Genevra | 50 | 137:150 | 75 |
| 9. | ZSC Lions | 50 | 129:132 | 74 |
| 10. | Friburg | 50 | 125:125 | 74 |
| 11. | Tavau | 50 | 121:167 | 51 |
| 12. | Lakers | 50 | 92:167 | 32 |
RR novitads 23:00
