Siglir tar il cuntegn

Header

cuntegn

HCD Finalmain puspè a chasa

Pervia ch'il stadion vegn renovà, gioga il HCD questa saira per l'emprima giada questa stagiun a chasa. Tavau frunta sin Bienna.

Pervia da renovaziuns vid il stadion, ha il HCD absolvì ils emprims otg gieus da campiunadi ordaifer. Cler ch'il plaschair da finalmain pudair giugar avant ils agens fans è gronds tar trenaders e giugaders. L'entira equipa è motivada da far ina meglra parita a chasa che l'ultima stagiun. Il davos onn è il HCD stà la mendra equipa da chasa da l'entira liga.

audio
Bunura: HCD: Paschoud sa legra sin il prim gieu a chasa
ord Actualitad dals 18.10.2019.
laschar ir. Durada: 2 minutas 32 Secundas.

«A chasa ni ordaifer - quai ès a mai tuttina»

4 victorias e 4 terradas hai dà per Tavau en ils otg gieus ordaifer. Cun plaschair guarda er il trenader Christian Wohlwend sin l'emprim gieu avant ils agens fans. I saja bi che nus avain finalmain ils fans en noss dies. Quai saja dentant la suletta differenza cumpareglià cun in gieu ordaifer.

Jau ma legrel exact uschè fitg sin gieu ordaifer sco sin in gieu a chasa. Tenor mai vegn quai survalità in zic.
Autur: Christian Wohlwend trenader dal HCD

Ils giugaders giaudan percunter fitg da finalmain puspè dar en l'agen stadion. Giugar a chasa saja adina pli bel che ordvart, di Claude-Curdin Paschoud. L'equipa haja dapli temps per preparà sin il gieu. Ins na saja betg l'entir di en l'autocar e quai saja suenter otg gieus ordaifer insatge ch'el giauda.

audio
Bunura: HCD: Betg mo nov stadion, er nov trenader dapi la stad
ord Actualitad dals 18.10.2019.
laschar ir. Durada: 3 minutas 6 Secundas.

RR actualitad 06:15

Artitgels legids il pli savens