Siglir tar il cuntegn

Header

Equipa dal Club da hockey da Tavau suenter il titel da campiun svizzer 2015.
Legenda: Suenter il titel da campiun svizzer vul il HCD er far furori en la Champions Hockey League. Keystone
cuntegn

Naziunal/Internaziunal HCD frunta sin Pardubice e Färjestad

Gist 6 clubs svizzers cumenzan ils 20 d’avusts la fasa da gruppa da la Champions Hockey League. Quest onn vegn giugà per l’emprima giada cun 48 clubs - uschè blers sco anc mai.

Il Club da hockey da Tavau frunta en la fasa da gruppa sin gronds nums. Ina gia il club svedais Färjestads BK ch’ha gudagnà nov giadas il titel da campiun svedais. Il davos ha il club da tradiziun trumpà ed er manchentà ils playoffs. Plinavant frunta il campiun svizzer sin Pardubice, in club da la Tschechia. Per quest club ha tranter auter giugà il goli Dominik Hasek ch’è pli tard daventà ina icona en la National Hockey League. Encunter omadus clubs ha il trenader dal HCD, Arno del Curto, pers durant ses 19 onns a Tavau mintgamai ina gia en il rom da la Cuppa Spengler a Tavau.

Gruppas cun participaziun svizra

  • Gruppa 1: SC Berna, Linköping (Svezia), IFK Helsinki (Finlanda)
  • Gruppa 2: EV Zug, Tappara Tampere (Finlanda), Djurgarden Stockholm (Svezia)
  • Gruppa 5: HCD, Färjestads BK (Svezia), Pardubice (Tschechia)
  • Gruppa 11: Fribourg Gottéron, Lukko Rauma (Finlanda), Lulea (Svezia)
  • Gruppa 13: Genevra-Servette, Sparta Prag (Tschechia), Storhamar (Norvegia)
  • Gruppa 16: ZSC Lions, Eisbären Berlin (Germania), Gap Rapaces (Frantscha)

Modus:

48 equipas èn partidas en 16 gruppas cun mintgamai trais equipas. Encunter mintga equipa da gruppa vegn giugà dus gieus, in a chasa ed in ordaifer. Las meglras duas equipas da mintga gruppa sa qualifitgeschan per ils 1/16-finals.

RR novitads 16.00

Artitgels legids il pli savens

Scrollar a sanestra Scrollar a dretga