Siglir tar il cuntegn
Inhalt

Naziunal/Internaziunal HCD frunta sin SCB

Il club da hockey da Tavau frunta en il mezfinal dals playoffs sin il SC Berna. Quai suenter che Berna ha gudagnà il gieu decisiv dals quart finals cunter Losanna cun 2:1 suenter prolungaziun.

Giugaders da hockey dal HCD, SCB, ZSC Lions e Genevra-Servette
Legenda: Il club da hockey da Tavau frunta sin Berna, ils Lions fruntan sin Genevra-Servette. Keystone

Il segund gieu decisiv han ils ZSC Lions decidì cun 5:2 cunter Bienna. Ils Lions dattan uschia en il segund mezfinal cunter Genevra-Servette. La runda dals mezfinals dals playoffs cumenza mardi.

Ambri e Rapperswil cumbattan cunter relegaziun

En la runda da plazzament dal campiunadi da hockey a Friburg pers a chasa cun 0:2 cunter Kloten. Ed ils Rapperswil Jona Lakers battan Ambri cun 4:3. Ambri e Rappersil ston anc cumbatter cunter la relegaziun. Uss vegni tranter las 2 equipas tar ina seria da Best of 7 cunter la relegaziun.

1. liga: Winterthur batta Cuira cun 2:0

En l’emprima liga hai dà l’emprim gieu da la seria da final dals playoffs tranter Cuira e Winterthur. L’equipa da Winterthur ha nizzegià ses avantatg da chasa gudagnà cun 2:0 cunter Cuira. Winterthur maina uschia cun 1:0 la seria da Best of 5. Il proxim gieu è lura mardi proxim a Cuira.

RR sportissimo 12:00