Siglir tar il cuntegn

Naziunal/Internaziunal HCD gudogna danovamain ordaifer

Il club da hockey da Tavau ha danovamain gudagnà il gieu ordaifer cunter l'EV Zug. Questa saira ha il HCD gudagnà cun 3:1. En la seria maina Tavau cun 3:2 e dovra ussa sulet ina victoria a chasa la gievgia saira per sa qualiftgar per il mezfinal.

In gieu tranter il HCD e l'EV Zug.
Legenda: Danovamain ha l'equipa da chasa pers il gieu. Il HCD ha gudagnà a Zug. Keystone

Ch'igl n'è betg simpel da gudagnar a chasa ha la seria mussà fin ussa. Ni il HCD ni l'EV Zug han gudagnà in gieu a chasa en questa seria stretga. Il HCD pudess pia procurar per ina premiera la gievgia saira.

Grategiada questa premiera è als ZSC Lions. L'equipa da Marc Crawford ha gudagnà per l'emprima giada a chasa en la seria cunter Bienna. Quai cleramain cun 3:0. En la seria statti ussa 3:2 per Turitg.

L'SC Berna ha gudagnà cun 3:0 cunter Losanna e maina en la seria era cun 3:2 ed il gieu tranter Lugano e Genevra è ì a fin cun ina victoria da Genevra cun 2:4. En questa seria statti 3:2 per Genevra.

En la runda da plazzament ha Fribourg segirà ses plaz en la liga naziunala A. Fribourg ha gudagnà ordaifer cunter ils Lakers cun 3:1. Era Kloten ha fatg in bun pass per restar en la pli auta liga dal hockey. Kloten ha gudagnà cunter Ambri cun 4:0 ed ha ussa 65 puncts, 3 puncts dapli che Ambri.

RR novitads 22:00/23:00