Siglir tar il cuntegn
cuntegn

Naziunal/Internaziunal HCD gudogna puspè

Il Club da hockey da Tavau ha gudagnà cunter ils SCL Tigers cun 5:1.

Hockeyans.
Legenda: Tavau po puspè giubilar a chasa sco qua suenter il gol ch'ha purtà il pari. Quai cun Marc Wieser, Enzo Corvi (ch'ha fatg il gol), Tomas Kundratek ed Andres Ambuehl. Keystone

Il Club da hockey da Tavau po puspè ina giada festivar ina victoria a chasa. Ils Grischuns han battì ils SCL Tigers cun 5:1. Langnau era bain ì en avantatg en la 5avla minuta. Paucas secundas pli tard ha Tavau però pudì egualisar la partida. Aifer il prim terz èn lura anc crudads 2 ulteriurs gols. Il quart han ils Grischuns sajettà en il segund terz, il tschintgavel en l'ultim terz.

La victoria da dumengia suentermezdi è la quarta da total 18 partidas a chasa dal HCD. Malgrà ils 3 ulteriurs puncts resta Tavau sin il penultim plaz da la tabella.

Ils ulteriurs gieus

L'SC Berna è da nov a la testa da la tabella da la liga naziunala A. Ils Bernais han battì Friburg ordaifer cun 2:0. En il medem mument ha il leader d'enfin qua, Zug, pers a chasa cunter Lugano cun 3:4. En ils ulteriurs gieus ha Ambri pers cunter ils ZSC Lions cun 1:3, Bienna gudagnà cunter ils Lakers cun 4:1 ed ils SCL Tigers han pers cunter Genevra Servette cun 0:3

Tabella Liga naziunala



Gieus
GolsPuncts
1.
Berna44
125:76
95
2.
Zug44
144:9490
3.Losanna
45
125:11274
4.
SCL Tigers44
119:10873
5.
Ambri-Piotta44
124:12570
6.
Bienna44
131:12368
7.
Lugano
44
139:12266
8.
ZSC Lions
44
106:11665
9.
Friburg
44
112:11265
10.
Genevra45
120:13963
11.
Tavau44
100:15237
12.
Lakers44
74:14029

RR novitads 23:00