Siglir tar il cuntegn

Header

video
Novitads
Or da Telesguard dals 17.12.2018.
laschar ir. Durada: 44 Secundas.
cuntegn

Naziunal/Internaziunal HCD: Il chapitani resta a bord

Il club da hockey da Tavau e ses chapitani actual Andres Ambühl han prolungà lur collavuraziun fin il 2021. Quai fa a savair il club da hockey da Tavau sin sia pagina en la rait.

Cunquai che Andres «Büeli» Ambühl saja tant chapitani, motivatur e figura d'identificaziun sco er in dals giugaders pli populars en Svizra, saja stà ina da las «pendenzas prioritaras dal HCD» da prolungar il contract cun Ambühl – uschia il HCD sin sia pagina en la rait.

Andres Ambühl ha giugà per Tavau dal 2000 fin il 2009. Suenter è el stà engaschà en l'America dal Nord e tar ils ZSC Lions. Il 2014 è Ambühl turnà tar il HCD ed è dapi lura capitani.

Per la naziunala svizra ha Ambühl fatg en 252 gieus internaziunals 111 puncts. El è er stà en la squadra, ch'ha gudagnà la medaglia d'argient il 2013 tar ils campiunadis mundials. Unic Mathias Seger ed Ivo Rüthemann han dà anc daplirs gieus che Ambühl.

RR novitads 12:00

Artitgels legids il pli savens