Siglir tar il cuntegn

Header

Navigaziun

Giugaders HCD
Legenda: Il success duess puspè turnar enavos tar il HCD. Keystone
cuntegn

HCD Nova stagiun – nov schlantsch

11 novs giugaders dumbra il cader dal HCD, cumpareglià cun la stagiun vargada. La nova equipa è vegnida preschentada ier a Landquart tar il nov sponsur principal.

La stagiun 2018/2019 è passada. Uss èsi da guardar enavant. Quai è stà il tenor tar la preschentaziun da l'equipa a Landquart. Cun Christian Wohlwend sco nov scheftrenader duess il success turnar tar il HCD.

L'equipa ha quest onn in zic in'autra fatscha che l'onn passà. En tut dumbra il cader 11 novs giugaders, otg giugaders han bandunà il club. E la finamira è clera: Ina segunda stagiun en roda senza playoffs, na dastgi betg dar a Tavau.

La nova stagiun cumenza per il HCD ils 13 da settember cun in gieu ordaifer cunter ils ZSC Lions.

Christian Wohlwend
Legenda: Davent da questa stagiun il nov schef a la banda tar il HCD - Christian Wohlwend. Keystone

Novs giugaders da Tavau

  • Fabrice Herzog (attagader, 23)
  • Sandro Aeschlimann (goli, 24)
  • Samuel Guerra (defensur, 25)
  • Mattias Tedenby (attatgader, 29)
  • Aaron Palushaj (attatgader, 29)
  • Oliver Heinen (defensur, 19) - dals juniors
  • Benjamin Baumgartner (attatgader, 19) – dals juniors
  • Lorenzo Glarner (attatgader, 20) – dals juniors
  • Florian Niedermaier (attatgader, 24)
  • Lorenz Kienzle (defensur, 31)
  • Nando Eggenberger (attatgader, 19)

RR novitads 06:00