La partenza en il duel a la testa da la tabella è gartegià perfetg al Club da Hockey da Tavau. Gia suenter 2,14 minutas manava l’equipa grischuna cun 2:0. Fin en il segund terz ha il HCD perfin savì augmentar l'avantatg sin 3:1. Lura dentant è vegnida la reacziun dals ZSC Lions. Fin al principi dal3. terz aveva l’equipa da Turitg egualisà il gieu.
Decisiun en la prolungaziun
Era tar il stan intermediar da 3:3 ha il HCD gì sias schanzas. Il patrun da chasa n’è dentant betg stà bun da far in ulteriur gol. Era betg en situaziun da powerplay. Curt avant la fin dal gieu ha il capitani dal ZSC Patrick Geering anc survegnì in chasti.
HCD resta davantvart en la tabella
Pervia dal punct ch'il HCD ha savì gudagnar perquai che la partida è ida en la prolungaziun resta l’equipa grischuna sin plazza quatter da la tabella. Tavau ha mo in punct damain sin il conto ch'ils leaders Genevra e ZSC, perquai almain ina partida pli pauc sin il conto che la concurrenza.
Hockey tabella liga naziunala A
gieus | gols | puncts | ||
1. | Zug | 49 | 146:120 | 90 |
2. | ZSC Lions | 49 | 162:123 | 88 |
3. | Tavau | 49 | 154:139 | 86 |
4. | Genevra | 49 | 134:115 | 86 |
5. | Bienna | 49 | 149:140 | 78 |
6. | Friburg | 49 | 121:130 | 73 |
7. | Losanna | 49 | 133:129 | 72 |
8. | Lugano | 49 | 124:135 | 69 |
9. | Berna | 49 | 129:139 | 68 |
10. | Ambri | 49 | 116:135 | 60 |
11. | SCL Tigers | 49 | 113:146 | 60 |
12. | Lakers | 49 | 126:156 | 52 |
RTR novitads 23:00