Siglir tar il cuntegn
4 giugaders da hockey sin glatsch avant il gol.
Legenda: Tavau ha victorisà encunter l'SC Berna. Keystone

Naziunal/Internaziunal HCD : Ussa vai per il titel

Il club da hockey da Tavau è en il final dals playoffs. Tavau ha battì mardi saira a chasa il SC Berna cun 3:1. Il segund mez final ha Genevra-Servette dà encunter ils ZSC Lions. E Genevra ha pers il gieu cun 0:8.

Il club da hockey da Tavau è l'emprim'equipa ch'ha fatg il pass en il final.Tavau ha er gudagnà la quarta partida da mez final cunter il SC Berna e po ussa cumbatter per il titel. La partida decisiva è ida a fin cun in 3:1 per Tavau.

Il 4:0 vesa ora pli cler che quai ch'el è propi stà.
Autur: Andres Ambühl Chapitani dal HCD

Er sche l'equipa da Berna è ida l'emprim en avantatg cun 0:1, ha l'equpia indigena vulvì il gieu en il segund terz ed ha gudagnà cunter Berna.

En il final s'inscuntra Tavau cul victur da la seria tranter ils ZSC Lions e Genevra Servette. Il quart duel en questa seria ha il ZSC gudagnà cun 8:0. En la seria statti ussa pari 2:2.La segunda squadra ch'ha cuntanschì il final dals playoffs èn ils ZSC Lions. Genevra ha pers encunter ils ZSC Lions cun 0:8.

Il gieu dal playout

Ils Rapperswil-Jona-Lakers han pers encunter Ambri cun 0:4.

Il telegram dal gieu tschivlottà tar @RTRSRG

Artitgels legids il pli savens