HCD volva il gieu cunter Ambri

Il Club da hockey da Tavau ha gudagnà a chasa cunter Ambri-Piotta cun 4:2, quai malgrà ch’ils Tessinais manavan anc curt avant la fin cun 2:1. Per il HCD èsi uschia grategià da mussar ina reacziun suenter la terrada dat 1:5 la sonda saira a Zug.

Giugaders dal HCD Bild in Lightbox öffnen.

Legenda da maletgs: 3 gols en 145 secundas e la victoria è stada sut tetg. Keystone

  • L’attatgader dal HCD, Broc Little, ha sajettà suenter be 9 secundas il 1:0. Igl è il terz spert gol en l’istorgia da la liga naziunala.
  • Il HCD ha sajettà en il davos terz 3 gols entaifer 145 secundas, da quai dus shorthander.
  • Ambri-Piotta ha gudagnà be duas giadas a Tavau durant ils davos 9 onns.

rapport dal gieu

0:56 min, Actualitad dals 24.09.2017

Il 7avel gieu da campiunadi n’avess betg pudì cumenzar meglier per il HCD. Gia suenter 9 secundas ha Broc Little sajettà l’emprim gol. Fin oz èn be dus gols crudads anc pli baud en la liga naziunala. Il record è il gol da Thomas Nüssli il 2008 suenter be 7 sec.

Ambri ha dà oda maun il gieu

Quest emprim gol da Tavau n’ha dentant betg purtà bler. Pertge Ambri ha reagì: Dominic Zwerger en il powerplay e Marco Müller èn vegnids da sajettar ils Tessinais cun 2:1 en avantatg fin il segund terz. En las davosas 10 minutas ha l’equipa da Tavau dentant demolì ils Tessinais. Cun 3 gols entaifer be 145 secundas entras Nygren, Sciaroni e Walser è il HCD la finala tuttina anc vegnì da batter Ambri-Piotta.

En la tabella sa chatta il HCD sin il 5avel plaz cun 13 puncts, 5 puncts pli pauc ch’il leader Friburg-Gottéron. Venderdi, ils 29 da settember, dat il HCD il proxim gieu da campiunadi ordaifer encunter il SC Berna, in classicher.

Hockey: Classament liga naziunala A (17-10-2017)


Team
GieusRelaziun da gols
Puncts
1.Berna13
52:25
32
2.Lugano
14
49:31
29
3.
Zug13
41:32
27
4.Friburg
15
38:40
26
5.Tavau
14
39:36
25
6.ZSC Lions
15
52:43
24
7.Bienna
14
44:42
21
8.Losanna13
36:40
17
9.Ambri15
33:4616
10.
Genevra Servette13
29:45
15
11.SCL Tigers
14
33:46
14
12.Kloten
13
23:42
9

RR novitads 18:00