Il Bernais Heinz Habegger da Fankhaus ha gudagnà la lutga da Sertig a Tavau. En la lutga finala ha Habegger battì Sandro Schlegel da Fideris suenter duas minutas e 36 secundas cun in curt. Armon Orlik n'è betg sa participà, en vista a la festa dad Unspunnen ad Interlaken dals 27 d'avust.
La concurrenza ha patì da l'aura: Pervi da la ferma plievgia cun granella han ils organisaturs stuì interrumper la festa. La concurrenza è vegnida terminada suenter tschintg rundas da lutga.
RR novitads 06:00