Naziunal/Internaziunal - Henrik Kristoffersen batta da nov Marcel Hirscher
Il norvegiais Henrik Kristoffersen gudogna il slalom gigant da Bansko en Bulgaria. Quai dentant mo cun 4 tschientavels sin Marcel Hirscher, ch’era suenter l’emprim percurs anc sin l’emprim plaz.
Terz è daventà Thomas Fanara che ha uschia meglierar ses agen record sco pli vegl um sin il podest dad in slalom gigant. Marco Odermatt è daventà sco otgavel meglier Svizzer. Loic Meillard è daventà 12avel, Cedric Noger 20avel, Gino Caviezel 23avel e Thomas Tumler 28avel.