L'anteriura numer 1 dal tennis e spezialista dal dubel Martina Hingis turna puspè enavos en il team svizzer dal Fed-Cup, quai ha communitgà il capitani Heinz Günthardt.
Tar l'inscunter cunter la Pologna ils 18 e 19 d'avrigl èn dasper Hingis er da la partida Timea Bacsinszky e Stefanie Vögele.
La raschun che Hingis stat a disposiziun per il Fed-Cup è ch'ella considerescha da sa participar als gieus olimpics a Rio il 2016. Perquai sto ella far part trais giadas al Fed-Cup.
