Hingis e Bencic gudognan: Svizra en mezfinal dal Fedcup

Per l'emprima giada dapi il 1998 ha la Svizra cuntanschì in mezfinal dal Fedcup. A Leipzig han Belinda Bencic e Martina Hingis segirà a lur squadra il terz punct cunter la Germania.

Martina Hingis (san.) e Belinda Bencic (dre.) Bild in Lightbox öffnen.

Legenda da maletgs: Gronda legira per Martina Hingis (san.) e Belinda Bencic (dre.) Keystone

En il duel cunter la Germania a Leipzig ha il dubel Martina Hingis/Belinda Bencic gudagnà cunter Anna-Lena Grönefeld ed Andrea Petkovic cun 6:3 e 6:2. Uschia èn ellas idas per il punct decisiv per la victoria 3:2.

Avant aveva Bencic gudagnà ses segund gieu singul cunter la victura da l’Australian Open Angelique Kerber cun 7:6 (7:4) e 6:3. Timea Bacsinszky aveva però regalà ses emprim matchball da las Svizras cun ina terrada da 5:7 e 4:6 cunter Annika Beck.

En il mezfinal – ils 16 e 17 d’avrigl – fruntan las Svizras a chasa sin las defensuras dal titel la Tschechia.

RR novitads 20:00