Hingis e Mirza èn els mezfinals

Dals finals da WTA a Singapur han Martina Hingis e Sania Mirza cuntanschì ils mezfinals. En in dir cumbat ha il duo svizzer indic battì las soras taivanaisas Chan cun 7:6 e 7:5.

Purtret da Hingis e Mirza en acziun. Bild in Lightbox öffnen.

Legenda da maletgs: Martina Hingis e Sania Mirza durant ils quartfinals dal WTA turnier a Singapur. Keystone

Bunamain duas uras ha il duo da Martina Hingis e Sania Mirza duvrà per gudagnar. Sur tut en l'emprim set èn Hingis e Mirza stadas dumandadas. Ellas han incassà in break tar 5:6, dentant han ellas pudì sfurzar in Tiebreak nua ch'ellas han stuì sa defender cunter trais bals da set. Il medem mument n'han ellas dentant betg pudì nizzegiar las schanzas per gudagnar sezzas.

En il mezfinal fruntan Hingis e Mirza sin las victuras dal duel tranter las Tschecas Hravackova e Hradecka e las Russas Makarowa e Wesnina. Cunter Wesnina e Makarowa aveva Hingis pers cun Timea Bacsinszky als gieus olimpics a Rio.

RR novitads 12:00