Siglir tar il cuntegn

Naziunal/Internaziunal Hirscher danovamain a la testa

L'Austriac Marcel Hirscher gudogna er il slalom ad Adelboden e quai mo in di suenter sia victoria en il slalom gigant.

Marcel Hirscher ad Adelboden.
Legenda: Marcel Hirscher ad Adelboden. Keystone

Il podest

  • 1. Marcel Hirscher, Austria
  • 2. Michael Matt, Austria + 0,13
  • 3. Henrik Kristoffersen, Norvegia + 0,16

24 uras suenter ses success en il slalom gigant dad Adelboden ha il skiunz austriac Marcel Hirscher era gudagnà il slalom spezial. Segund è vegnì ses cumpatriot Michael Matt e terz il Norvegiais Henrik Kristoffersen. Hirscher ha ussa gia gudagnà 7 giadas al Chuenisbärgli.

Loic Meillard è sco meglier Svizzer sin plazza 8. Per la segunda giada en sia carriera è Meillard uschia vegnì sut ils emprims 10.

Ils Svizzers

  • 8. Loïc Meillard +1,56
  • 12. Daniel Yule +1,82
  • 15. Ramon Zenhäusern +1,96
  • 17. Luca Aerni +2,26

RR novitads 15:00