Siglir tar il cuntegn

Header

cuntegn

Naziunal/Internaziunal Hirscher fa frunt a la cufla

L'Austriac Marcel Hirscher daventa emprim en la cursa da slalom a Val d'Isère.

En il slalom a Val d'Isère sa catapultescha Marcel Hirscher da plaz 8 sisum il podest. L'Austriac è vegni il meglier ed il pli spert tras la cufla intensiva. Hirscher triumfescha cun in avantatg da 39 tschientavels sin il Norvegiais Henrik Kristoffersen. Il podest dal slalom en Frantscha vegn cumplettà cun André Myhrer da la Svezia. Per Marchel Hirscher è quai victoria numra 47 en la cuppa mundiala. Il Talian Stefano Gross che manava suenter l'emprima cursa è crudà enavos sin plazza 6.

Puncts be per in Svizzer

Luca Aerni, sco 12avel, il meglier Svizzer suenter l'emprima cursa, è curdà ora. Loïc Meillard, 26avel suenter l'emprim slalom, fa il sigl en ils top 15 e terminescha la cursa a Val d'Isère sco 14avel. Classà meglier è il giuven Vallesan fin uss be stà en duas cursas da slalom.

RR novitads 14:00

Artitgels legids il pli savens