Siglir tar il cuntegn

Header

Navigaziun

In giugader da hockey.
Legenda: Il giugader dals SCL Tigers, Harri Pesonen, suenter ses gol al 3:1 per ils Finlandais. Keystone
cuntegn

Hockey Finlanda per la terza giada campiun mundial

Gia il 1995 e 2011 avevan ils Finlandais gudagnà il titel. En il final a Bratislava ha l’equipa dal trenader Jukka Jalonen battì il Canada cun 3:1.

L’um dal gieu è stà Marko Anttila, ch’aveva gia sajettà il gol decisiv en il mezfinal cunter la Russia. Il captain ha egualisà il resultat ad 1:1 e lura purtà ils Finlandais en avantatg. Harri Pesonen, che gioga per ils SCL Tigers, ha lura decis definitivamain la partida quatter minutas avant la fin.

Betg l'emprima giada

Ils Finlandais han festegià gia avant otg onns lur segund titel da campiun mundial a Bratislava. Ed era là era Jukka Jalonen lur trenader.

Bronz per la Russia

Al campiunadi mundial da hockey ha il top favurit, la Russia, gudagnà bronz.
A Bratislava ha l’equipa dad Ilja Worobjow battì la Tschechia cun 3:2 suenter sajettar penaltis.

RR novitads 23:00