L'equipa dal trenader Christian Wohlwend ha battì ordaifer ils Rapperswil Jona-Lakers. Quai cun 4:1 suenter ch'ins era en retard cun 0:1. Ils hockeyans da Tavau èn suenter il 2017 la segunda giada en il final da la cuppa svizra. Sin tgi ch'il HCD frunta en il final sa decida questa saira en il gieu Ajoie encunter Bienna.
Sustegn per il HCD durant la Cuppa spengler
Via twitter vegn infurmà che in duo dals Lakers vegn a rinforzar il HCD durant la Cuppa Spengler tranter Nadal e Buman. Numnadamain Casey Wellman e Daniel Kristo. E da Lagnau arriva il topscorer Harri Pesonen a Tavau en servetsch dal HCD durant la 93avla ediziun dal turnier da tradiziun, la Cuppa Spengler.
RTR novitads 18:00