Siglir tar il cuntegn

Header

Giugaders dal HCD e dad Ambri en acziun.
Legenda: Keystone
cuntegn

Hockey HCD perda cunter ils «biancoblù» cun 1:2

Il Club da hockey da Tavau ha stuì magunar in’ulteriura terrada. Il HCD ha pers a chasa encunter il HC Ambri-Piotta cun 1:2.

Cun scursanir al 1:2 bun quatter minutas avant la fin dal gieu ha Chris Egli laschà viver la speranza da tuttina anc batter il HC Ambri-Piotta. Mo per dapli n’hai betg tanschì al HCD ch’è per ina giada betg stà effizient avunda avant il gol. Cunquai perda il HCD per l’emprima giada encunter Ambri en questa stagiun. Ils dus gols per ils Tessinais han sajettà Joël Neuenschwander en la 7avla ed Elia Mazzolini en la 30avla minuta. Malgrà quest resultat na datti naginas midadas en la tabella. Il HCD resta sin il segund plaz, quatter puncts davos ils ZSC Lions, Ambri-Piotta resta a la cua da la tabella.

Dumengia, ils 15 da december a las 14:45 uras, dat il HCD il mezfinal da la Cuppa Svizra ordaifer encunter ils Rapperswil-Jona Lakers.

Video
Tavau perda a chasa cunter Ambri
Or da sportaktuell dals 10.12.2019.
laschar ir

RTR novitads 20:00++