Siglir tar il cuntegn

Header

Giugader da Tavau avant il gol dals LAkers vid far squitsch.
Legenda: Tavau fa grond squitsch sin il gol dals Rapperswil-Jona Lakers. Keystone
cuntegn

Hockey Il HCD gudogna cunter ils Lakers

Il HCD ha gudagnà la partida cunter ils Rapperswil-Jona Lakers – ils ultims da la tabella – cun 3:2. Il Club da hockey da Tavau è uschia da nov segund en la tabella cun tuttina blers puncts sco ils ZSC Lions.

En l'emprim terz han omaduas equipas gì difficultads da chattar en il gieu - suenter la pausa d'ina emna. Pir en il segund terz ha l'equipa da Christian Wohlwend gì enta maun la partida. Dario Meyer ed Andres Ambühl han sajettà il HCD meritadamain cun 2:0 en avantatg.

En l'ultim terz ha Tavau controllà al cumenzament il gieu. En la 50avla minuta han ils Lakers scursanì in zic ord il nagut. Suenter quest gol ha Rapperswil smatgà sin il 2:2, quai dentant senza success. Fabrice Herzog ha lura sajettà il 3:1 per il HCD, suenter ina fitg bella acziun singula. Il 2:3 ord vista dals Lakers, 30 secundas avant la fin, è mo pli stà cosmetica.

Hockey tabella liga naziunala A



gieusgolspuncts
1.Zug49
146:120
90
2.ZSC Lions
49162:123
88
3.Tavau49154:139
86
4.Genevra49134:115
86
5.Bienna49149:140
78
6.Friburg49121:130
73
7.
Losanna
49
133:129
72
8.
Lugano49
124:135
69
9.Berna
49
129:139
68
10.Ambri
49116:135
60
11.SCL Tigers
49113:146
60
12.Lakers49
126:156
52

Blers gieus senza pausa

La fasa avant la pausa da l'equipa naziunala è stada intensiva per il HCD. Ils blers gieus han ins era sentì tar l'equipa da Christian Wohlwend. La levezza en il gieu ha savens mancà. Uschia era en il final da la Cuppa Svizra cunter Ajoie, nua che Tavau ha pers cun 3:7.

RTR novitads 16:00++